Құрметті әріптестер мен достар!

Бүгінгі қазақстандық білім беру жүйесі өзінің жаңғырту бағытына сәйкес оқу-тәрбие процесін ұйымдастыруда отандық және халықаралық іс-тәжірибелерді пайдаланып, педагогтарды жаңашылдыққа негізделген шығармашылық ізденістерге, білім берудің бағдарын өз бетінше таңдауына мол мүмкіндік беріп отыр. Сондықтан да мектепті басқаруда және оқыту процесінде жаңа ақпараттық-коммуникациялық технологияларды практикаға енгізуге бар күшімізді салуымыз қажет. №81 гимназия ағылшын тілі бағытында ғана емес 2021 оқу жылынан бастап Халықаралық Бакалавриат (International Baccalaureate) негізгі орта білім беру (MYР) бағдарламасымен білім беруде. Гимназия оқушыларына мемлекеттік тілде және ағылшын тілінде білім беріледі. Сонымен қатар ата-аналар мен оқушылардың сұраныстары бойынша әртүрлі үйірмелер мен арнайы курстар жұмыс жасайды. Қазіргі заман талабына сай мектептің барлық мүмкіндігі болашақ жастар үшін.